Learning to play the piano etc....

Hi guys!

Just a wee blogpost for all my non-Norwegian speaking fans out there. My mom says I'm not a bilingual dog yet because I don't know what treats and walk and outside means, but I don't care. I know what wee means, and I think that qualifies me as a half-Scottish dog.

So anyway, life in Edinburgh has been quite busy (ever since we moved here, actually...). So many corners to sniff and so many of those little greys dogs who never want to play with me, even though all I want is to play with them (edit: my mom says: "They're not dogs they're squirrels". Whatever). AND SO many rain drops to catch!!

In addition to learning English, I've started learning how to play the piano. I used to play Bark in out family band, but they told be I would be kicked out of the band if I didn't learn a proper instrument (wow... parents....). I tried the guitar but it wasn't really a success.... So... Have a wee look if you want ;-) 

Off to black Friday shopping now, see yous later!

Bjeff-ball

På søndag hadde ho mamma vore på ein stor hundebutikk, og då hadde ho kjøpt med masse stas til meg! Eg fekk meg nytt halsband (rosa med raude hjarte), økologiske frukostkjeks, tannpussegodbitar, og ein TREAT BALL! Eg aner ikkje kva treat ball tyder, men det funkar sånn at ho mamma legg noko godt inni han, og så må eg få det ut. Så langt har eg ikkje funne ut korleis eg skal få godteriet ut gjennom det lille holet i ballen, men eg har prøvd i heile dag å bjeffe på det for å sjå om det kan lurast ut med høgt volum!

Eg føler meg ganske hes no, eigentleg, og ho mamma har sagt at viss eg ikkje sluttar å bjeffe så får eg ikkje leike meir med ballen?! Men eg skjønner ikkje korleis godbitane skal kome ut då. Har du tips til korleis eg skal få lokka ut godbitane, legg det gjerne att i kommentarfeltet!

Tussa <3

Kast-att-tysdag - Harlem Shake

Hugsar de, godtfolk, då Harlem Shake herja verda? Alle laga sin eigen video av at dei først berre dansa, og så vart dei heilt galne mot slutten... Vel, heime hjå meg var me ikkje dårlegare enn at me kasta oss på trenden altså. Eg har berre gløymd å dele filmen med dykk før no, så no kan de kose dykk på ein heilt vanleg tysdag med meg som dansar Harlem Shake!

PS: Eg fekk aldri sidan stå på bordet, eg skjønte aldri kvifor... Prøvde meg kvar dag men mamma sa at det berre var når me filma Harlem Shake at eg fekk det! Omg.

Livet i storbyen

Her øver eg i det store flyburet mitt før flyturen.

Hei kjære blogglesarar <3

Eg må berre beklage på det sterkaste at eg ikkje har oppdatert bloggen på så lengje, men eg har flytta til utlandet, og her har det vore så mykje nytt å sniffe og snuse på at eg rett og slett ikkje har hatt tid til å tenkje på blogg! Sorry macs.

Tenkte berre eg skulle dele litt info om den nye kvardagen min i Skottland! Først og framst - for å kome oss hit var det eit underleg styr. Først måtte eg sitje i buret mitt (det store på biletet) i bilen ei heil NATT, medan mamma og Magnuss drakk kaffe og sang heile vegen til Oslo. OMG, eg prøvde liksom å seie frå til dei om dei kunne ti stille, men dei trudde eg måtte tisse - kvar gong! Eg EEEER så lei av Myk Landing med OnklP i mamma-og-magnuss-versjon!

Uanz, me kom fram til Oslo, og der vart eg rett og slett overlatt til meg sjølv. Eller, hjå ei dame. Men mamma vart ikkje med meg! Me skulle visst ta same fly, så eg aner ikkje kvifor eg måtte vere aleine. Anyways, det var faktisk ikkje så veldig kult ass... Å berre vere aleine i buret. Heldigvis traff eg på nokre snille folk som gav meg dentastix som mamma hadde lagt i lokket på toppen av buret. Så tok me fly. Det var... tja, for  å seie det beint fram, skummelt! Eg var seriøst så happy då eg endeleg fekk kome ut. Men enno då fekk eg ikkje treffe mamma, for eg måtte verte undersøkt av nokre folk på Heathrow Animal Reception Centre i London. Så ALL tida mi i London brukte eg på eit undersøkelsesrom. Needless to say - eg var både sur og snurt då eg traff mamma att, så ho fekk ikkje noko kos.

Etter det dro me i alle fall inn til byen litt, og eg fekk sniffa rundt på King's Cross! Yay! Ikkje alle eg kjenner heimefrå som har vore på King's Cross, ass ;) Eg trudde kanskje me var framme snart.... Men me måtte ta toget i FEM timar til Skottland! Og det var fredag kveld og masse drita fulle folk.. . Wow. Eg sov heile turen, for eg var så trøytt etter å ha høyrt på OnklP heile natta i bilen.

Her er eg med nyinnkjøpt almanakk og matboks.

Men ja, etter den lange turen sov eg i to dagar. GJESP! Det er lengje til eg skal reise nokon stad att.... HELDIGVIS var den lange reisa totally worth it! Eg DIGGAR den nye heimen min, skottetiss luktar så sjukt godt og eg har ein million gatehjørner å sniffe på rundt her me bur. Og så får eg springe fritt ganske mange stader i nærleiken av huset vårt. Det er cool. 

Her er eg på tur i nærleiken av der me bur (rim intended).

 Eg hadde jo to kjærastar der eg budde før (Kasper og Robin), men eg har ein del beilarar her òg, så eg klarer meg heilt fint. Mellom anna har eg vorte ven med Nacho, ein liten terrier. Eg diggar han mest på grunn av namnet, sjølvsagt :D

Mamma sa at eg var skatten i enden av regnbogen. Eg aner ikkje kva ho prata om, men det er jo eit ganske fint bilete av meg.

Her er eg på tur oppe ved Salisbury Crags. Oh yeah. Med alle dei bakkane eg går i kvar dag, har eg berre éin ting å seie: SOMMARKROPPEN 2015!

Ok, det var det for denne gong. Eg er så innmari trøytt, var ute i stiv kuling og sprang tidlegare i dag, og etter det har eg jakta regndropar på badet (det kjem alltid regndropar der når nokon dusjar, nice!), så trur eg skal ta meg ein kvil. Ha ein god søndagskveld, kjære lesarar <3 <3

Havfruesøstrene

Eg har hatt besøk av søstra mi, Bianca. Ho er eigentleg ganske lik meg (ho er òg glad i å riste seg, nyse og springe att og fram når folk står opp om morgonen, til dømes), men litt ulik (ho har mykje meir energi enn meg, og er ikkje like glad i å bjeffe som eg er).

Uansett, det var ganske stas å ha ho på besøk, fordi det var så mykje å gjere heile tida. Altså, eg brydde meg ikkje så mykje om å leike med ho, men det var jo så fint å ha nokon som såg på meg når eg jakta fluger og sånt :D

Eg hadde lært meg å svømme då Bianca kom til oss, og ho kunne det ikkje då. Ho sto berre på land og bjeffa på meg. Hoho, gjett om eg digga det ;) Men etter kvart byrja ho å svømme etter meg da, det var litt artig det òg, må eg innrømme... Begge me elskar vatn så mykje at me måtte lage ein film av det. Enjoy! (Og håpar alle har ein fin sommar).

I farta!

Hey!
Slik ser eg ut når eg er i farta. Eg diggar det når mamma tar meg med til denne plassen (men som med ein god fiskeplass har eg ikkje tenkt å seie kor det er ;)), for då kan eg springe alt eg orkar, bade, jakte på fluar og eg møter mange av kjærastane mine her (Leo og Mio, m.a.).

Uanz, ville berre poppe innom og ønskje dykk ei god helg <3

/Tussis

Photoshoot - biletedryss

Hei kjære blogglesarar!
No har det vore ei stund sidan siste innlegg, men eg har vore så travel.. Mamma har vore ute og reist, så det har eg òg. Først var eg på kennel Tveitz, så var eg hjå bestemor og så hjå oldemor. Jetsetliv!
Og i dag har eg og mamma vore i fotostudio for ein aldri så liten photoshoot <3 Kva me gjorde der får du sjå seinare... Stay tuned!

Xoxo

Søskentreff

I dag har eg vore og møtt søskena mine. Alle kallar oss B-gjengen. Det er visst fordi me er B-kullet til oppdrettaren vår (Kennel Shagana). Eg har eigentleg fire søsken, men i dag var me tre som møttest; meg, Bianca og Milo. Me kjende att kvarandre med ein gong, sjølv om me ikkje har sett kvarandre sidan me låg og kava i kvalpekassa.

Det som var artig var at me hadde dei same interessene og og hobbyane! Alle me elskar å hoppe etter snøfnugg, regndropar og insekt, og å fange lauv som bles i vinden. Dei andre er også kjempeglade i vatn, nett som meg. I tillegg elskar me alle å dra i bandet på tur, puste og pese og lage artige lydar. Men det er visst berre eg som har som hobby å freiste å hoppe framføre bilar....

Her er nokre bilete av oss søskena. PS: Ingen av oss var så interesserte i å vere med på bilete... ;-)

Primustur

I dag var det så sjukt fint ver ute (og det har vore vinter den siste veka, og ja, eg veit, det er mai! Sjølv ein hund vert oppteken av veret når det er sånt tull!), så eg tok med meg primusen min ut på tur. Her tar eg på mystisk vis ein sjølvis medan eg ventar på at kaffen skal koke. Det var mange artige ender ute i vatnet som eg prøvde å fange, og elles kosa eg meg med å bade (måtte jo kaste meg på trenden eg òg, sjølv om eg ikkje offisielt har vorte utfordra da... Eg gjer det berre for lolz :)).

Trailer til Tussa: eit hundeliv

Eg og mamma har laga film i helga <3

Ps: det er kanskje best om du ikkje trykkar på fullskjerm, for då vert oppløysinga så dårleg. (Som du skjønner har eg lært mykje om sånne tekniske ting i helga) 

Ny leikekompis!

Folkeeeeens! I dag fekk eg ny leikekompis! Eg kallar ho Moffsi. Det var godt å få nokon andre å leike med, for eg er litt lei av han Roy no (har eg ikkje snakka om han før på bloggen? Eg får skrive eit innleg snart. Han er jo trass alt kjærasten min (ein av dei....). Eller, it's complicated akkurat no, da). Det som er artig med Moffsi er at ho ikkje er Roy. Det som er kjedeleg med Moffsi er at ho er VELDIG stille....! Og at når ho først rører på seg så knusar ho i tusen knas og flyg til alle kantar. Men eg skal ikkje klage, altså :-) 

 

For den som ikkje skjønte det, så har ho mamma LEIKA frisør med meg i dag. Eg er faktisk rimeleg molefonken. Ho sa det var til mitt eige beste, fordi eg klagar sånn over granbar i rompehåra heile tida, og fordi eg tar med halve Bymarka heim kvar gong me er på tur, og fordi halen hang seg fast i låra i dag grunna ein kvist som satte seg fast...... Men LÆLL!! Eg føler meg skamklipt. Skal leggje meg å sture no. 

So long, Moffsi <3  

Tur i finveret

Åh, i dag har eg allereie masse å fortelje om, og klokka er ikkje tre eingong! Sånn er det å ha eit spennande liv som mitt. I dag var eg og mamma på tur rundt Lianvatnet nesten heilt frå morgonen av. Mamma sa at det var så fint ver at ho skulle droppe å sitje inne å jobbe, og heller gå på langtur med meg! :D Det er det BESTE eg veit når ho gjer sånn!! :D <3 Her er eit bilete av meg frå turen i dag. Kva synest du om dagens outfit? Hehe, neida, kødda, eg hadde på sele (og vanlegvis har eg jo berre halsband), men det ser ein ikkje på biletet...

Men så til noko som er eit problem når snøen smeltar og eg er på tur.....

Som du kanskje ser, har eg FULLT av granbar i rompehåra!!! Har du nokre gode tips til korleis eg skal unngå dette? Kva gjer du når du får granbar i rompehåra?

Då me kom heim var eg full av gjørme, så eg skjønte vel kva som venta meg... Men eg prøver å unngå det kvar gong. Eg HATAR å dusje!! Det er så forferdeleg å verte blaut! Og eg ser veldig annleis ut når eg er blaut. Kva synest du om sveisen min på bileta under? 

Ha ein tipptopp fredag, kjære blogglesarar! <3

Tussa <3

Kast att-torsdag

I dag er det kast att-torsdag igjen! Det er alltid ei fin blanding av pinleg og artig å syne dykk blogglesarar gamle bilete. I dag har eg valt ut eit bilete der eg tar meg veldig godt ut, medan mamma ikkje gjer det. Knis!

De skjønner, i mine yngre dagar var eg tidvis modell. Me var eit par gongar på sånn hundeutstilling, og då handla det om å gå pent og vere søt. Sistnemnde er eg i alle fall! Problemet var berre at eg skjønte kva mamma ville (ho ville at eg skulle gå ved sidan av foten hennar), og eg hadde tenkt å gjere det (for ho hadde SJUKT gode godbitar med seg, til og med pølse og leverpostei!), men så lukta det såååååå godt overalt. Det var jo masse hundar som hadde tissa og skvetta og satt att lukt på banen, så eg klarte berre ikkje å følgje med. Ein gong måtte mamma løfte meg og bere meg vidare, det var litt flaut faktisk...

I det minste syntest han dei kallar Dommaren eg var søt, for då eg sto på bordet og han skulle sjå på meg, hoppa eg opp og sleika han i andletet. #YOLO!

Den store plasterjakta

Altså, eg skjønner ikkje kva greia er liksom, men berre fordi eg hadde rota gjennom ein plasterpakke og opna fleire av plastera, byrja ho mamma å styre og ho tok bilete og flira og sånn. Men greia var jo berre at eg var heime aleine, såg at eg hadde eit lite sår (les: ville eigentleg berre ha på plaster fordi det er kult, og syntest eg hadde liiiitt vondt i den eine tåballen), og så ville eg sjå om eg fann noko med Doge eller Cesar Milan på. (Eventuelt Hello Kitty, men det er litt rart å ha ei katt på tåballen òg...). Eg måtte jo opne alle plastera for å sjå, da. Men alle var berre sånne kjedelege brune (forresten smaker plasterlim ganske godt).

Humor

Ja, som tittelen seier så har hu mor laga dette artige biletet av meg. Litt slemt å ta bilete medan eg sov (eg sov oppned, derfor er auga opne...), men det får gå når resultatet vart så artig.

Vaffel og fangkos

Hei bloggen!

I går var eg på spelkveld. Som du ser av biletet, var det litt slitsamt! Dei andre ville absolutt spele Bezzerwizzer, men eg synest det er så kjedeleg (vanskeleg....). Eg synest spel som Bjefflias og Hundo er det artigaste, til naud eit som heiter bæsjespelet. Uansett, det som var best med kvelden var alle dei tobeinte eg klarte å lure til å gi meg vaffel frå bordet, og at eg fekk sitje på fanget deira. Det beste eg veit <3

Kva spel liker du best?

Terrific Tuesday

I det siste har ho der mamma vore på jobb HEILE tida, og me må stå opp sjukt tidleg om morgonen. Når ho kjem og sei frå at det er morgon, spring eg og gøymer meg under dyna så eg skal sleppe å gå tur, men ho finn meg alltid uansett :( Etter me har vore ute å tissa, ligg eg framføre varmepumpa og furtar og er morgontrøytt. (Ja, eg er gretten om morgonen).

ZzzzzzZZzzzzZZzzZZzzz

Men i dag etter jobb, hadde me det artig. Me gjekk til ein stad der eg slepp å gå i band, og det er det beste eg veit. Spesielt på sånne dagar som i dag, når det er masse vind og masse lauv som bles som eg kan fange! Det som ikkje er så artig er når mamma kastar sånne svære pinnar til meg som du ser på biletet under. Eg prøver og prøver men eg får aldri til å løfte han uansett. Omg. 

Meg som er fin i sola i dag

Throwback Thursday

Eg gløymde oppskriftsonsdag i går, men i dag er det i alle fall throwback thursday. Dagens throwback vert ein historie. For eit par veker sidan, vekte mamma meg grytidleg. Klokka sju eller rundt der! Omg, eg hatar å stå opp tidleg! Eg orkar liksom ikkje å gå tissetur så tidleg. Men uansett, sånn i åttetida var det ingen bønn og eg måtte ut på morgontur. Mamma var så sjukt stressa og plapra eit eller anna om språkdag og postersession og at ho måtte rekke ein buss.

Det som er så artig når ho er så stressa, er å bruke gooooood tid på å finne ein passande bæsjestad. Vanlegvis drit eg liksom ti meter oppafor huset, men denne morgonen ville eg irritere ho litt ekstra ettersom ho vekte meg så tidleg, så me gjekk heile morgonturen utan at eg bæsja! Hahaha. Eg veit jo at ho ikkje kjem til å gå inn at før eg har gjort frå meg, så ho byrja å be meg pent om å finne ein plass å bæsje. Tussa, pliiiiis da. Seriøst, kan itj du bæsj snart? Så eg sniffa rundt, lengje og vel. Så prøvde ho å kjefte litt på meg, og berre Døh, no MÅ du bæsj ass, viss itj går vi inn læll! Æ MÅ gå te bussn no liksom!! Men eg veit jo framleis at det ikkje er sant at ho ville gått inn før eg hadde bæsja. Til slutt var eg snill og gjorde frå meg då, men mamma var så sjukt stressa og sprang inn og ut av døra fordi ho gløymde ting kvar gong ho gjekk. Då ho kom heim seinare sa ho at ho måtte springe heile vegen til bussen og var dritsliten då ho kom fram! YES! Den klarte eg fint, synst du ikkje? ;)

Yep, dette er meg når eg er rampete og nektar å gjere som morra mi seier.

Gjemmekontor

I dag skulle me ha gjemmekontor her i Hiet. For å vere ærleg, synst eg det likna meir på utekontor, for me gøymde oss ikkje i det heile tatt nesten. Me gjekk ut rett etter frukost! Eller, ja, me gøymde oss for somme av dei tispene me møtte på turen, for mamma seier at ho vert så flau når eg bjeffer på dei og glefsar etter dei. Aner ikkje kvifor.

Anyways var det sjukt digg å løpe rundt i sola! Omg. Berre eg og kråkene i ein nydeleg flow. Øyra mine flagra bakover då eg jakta på dei. Det måtte ha sett nydeleg ut. Eg gadd forresten ikkje å jage dei så lengje, og eg vil berre seie at dette har ingenting å gjere med at kråkene flyg både høgt og fort, det var fordi eg ikkje gadd. 

Ha ein fin torsdag. Koz

Throwback thursday

Haha, eg fann faktisk eit ganske artig bilete til dagens throwback thursday! Då eg var lita, dreiv eg og mamma og leikte ein leik som heiter agility. Det gjekk ut på at mamma dytta meg inni denne tunnelen, så sprang ho på andre sida og leika klovn der. Eg veit ikkje heilt kva ho eigentleg meinte, men som oftast la eg meg berre ned og tygde på denne lappen i enden (han var god, smakte litt betre enn tørrforet.... ^^), elles berre la eg meg og sov. Når eg låg her fekk eg nemleg fred frå søskenbarnet mitt (som var eitt og eit halvt år eller noko då). (PS: eg fekk fred heilt til ho kom og rulla heile tunnelen bortgjennom så eg spøy til slutt).

Her ligg eg og chiller mens mamma prøver å leike

Prøver å gøyme meg unna for å tygge på eit bein, men der kom søskenbarnet snikande, gitt... 

Isdronninga

I dag har eg og ho eg bur med vore på skeiser. Det var sjukt artig - NOT! Eg har ikkje fått meg skeiser enno jo! Har vore på alle skobutikkane og sportsbutikkane i heile byen, men ikkje funne noko i mi storleik :( Sjukt irrit. Veit du kor eg kan få tak i skeiser som passar meg? Sei i frå!! (Ps: eg treng sjølvsagt fire og ikkje to).

Ho eg bur med sa dette var første gongen ho var på skeiseisen på ti år, og det såg sånn ut òg... Lol. Ho dreiv og tok noko som heiter pinsett heile tida, men det såg ikkje ut som noko pinsett, berre som ho heldt på å tryne. Hah.

Vaskedag...

Eg HATAR å bade! Eg hatar òg å verte børsta, pelsstelt og verte klipt klør på.
Her kan du sjå kva eg må gjere kvar gong eg har bada og er blaut.

Dagens outfit

Ok, sidan eg klaga i førre innlegg over kleda mine: Her kjem eit bilete av dagens outfit. Matmor seier at det skal vere praktisk framføre fint, og det kan eg helse og seie at det er.... Kva skjer med den derre smileyrefleksen på jakka liksom?! Omg. Og så sko som eg hatar å gå med. Eg har fått høyre at ganglaget mitt er sånn Ministry of silly walks når eg har på dei skoa, men eg aner ikkje kva det skal tyde.

Kva er ditt dagens outfit?

Sy om

Eg og ho eg bur med har shoppestopp for tida. Med andre ord kan me ikkje kjøpe noko nytt på heile året... Blæh. Er litt lei av dei kleda eg har fra før ass, har berre to par sko og begge er røde lizm. Men uansett, eg har lese boka Sy om av Jenny Skavlan, og lånt symaskin av matmor, så i går hadde eg sykveld og sydde om eit par av jakkene mine. Resultatet kjem på bloggen når dei er ferdige.

Seriøst, det står så mykje drit i avisa. Har heldigvis ny, stilig kaffekopp (IKEA) som gjer morgonen litt betre. Eigentleg er det berre teikneseriane som er verdt å lese (eg likar Pusur best, han ser så morosam ut å leike med!), grrrvoff. Og så er det sjukt artig å sjå på matmor når ho les den sida som heiter lesarinnlegg, for ho vert så fort sur av den sida. Hahalol. Det som òg er artig om morgonen er at eg veit at matmor vil at eg skal tisse fort når ho berre skal ut og hente avisa, så just for the lolz plar eg å sniffe rundt i ti minutt først liksom. Viss eg klarer å halde meg då, det er ikkje alltid så lett.

Anywayz, ha ein fin dag, hald deg unna avisa! Det er mykje betre å sniffe litt rundt, det er mykje nyhende i gamalt tiss, som mor mi sa.

Eg trur biletet snakkar for seg sjølv... Men uanz, eg kjeda meg, eg har ein stoooor godbitboks ved sidan av senga mi (med lokk på), eg gjorde innbrot i boksen. Nam!

Throwback thursday

Ok, eg skal vise dykk noko som er litt flaut... Sidan det er throwback thursday i dag, fann eg nokre gamle bilete av meg sjølv... Ikkje døm, eg var kanskje berre ni veker her altså! Eg dreiv heile tida med å ta smokker frå søskenbarnet mitt, fordi det var så morosamt at alle ville springe etter meg då eg gjorde det! Haha, lolz. Eg leiker ikkje med smokker lenger, altså, berre så det er klart (er jo faktisk 2 år og 2 månader no).

 

 

Just chillin'

 

Halla peeps!

Eg stikk berre innom bloggen for å syne dykk kva eg gjer i dag. Klassisk torsdag. Matmor er borte, eg har huset for meg sjølv, kva er vel betre enn å berre chillaxe med gode vener då? (f.v.: Runar, Ragnar og Roy). Sweet. Må litt tisse då, så eg gler meg litt til ho som bur her kjem heim att.